ફેસબુકનો નવો અવતાર : ન્યૂઝ ફીડ હવે ફોટો ફ્રેન્ડલી

સોશિયલ નેટવર્કિગ વેબસાઇટ ફેસબુકે હવે તેનાં સૌથી લોકપ્રિય ફીચર 'ન્યૂઝ ફીડ'ની ડિઝાઇન બદલી નાખી છે, તેને મોબાઇલ ફ્રેન્ડલી બનાવતાં ફોટો, મ્યુઝિક અને ગેમ્સને પહેલી પસંદગી આપવામાં આવી છે. નવા અવતારમાં તે એન્ડ્રોઇડ, એપલ જેવા મોબાઇલ ફોન્સ માટે અનુકૂળ સાબિત થશે. રોબિન મોરિસ આ નવા લેઆઉટના ડિઝાઇનર છે. આ નવું ફીચર કંપનીના મોબાઇલ એપ્સથી પ્રેરિત છે.

એટલે એમ કહો કે...

• ન્યૂઝ ફીડ હવે યૂઝર્સની પર્સનલ ન્યૂઝ સાઇટ જેવી બની જશે
• ન્યૂઝ ફીડનું પેજ હવે પહેલાં જેવું બોરિંગ નહિ લાગે, પરંતુ રંગબેરંગી દેખાશે.
• મોટા કદની તસવીરોની સાથે દરેક ઇવેન્ટની અપડેટ તેમાં જોઈ શકાશે.
• ન્યૂઝ ફીડની સામગ્રીમાં તસવીરોનો ભાગ ૫૦ ટકા રહેશે

ન્યૂઝ ફીડનું પેજ હવે પહેલાં જેવું બોરિંગ નહિ લાગે, પરંતુ રંગબેરંગી દેખાશે, જોકે આ સાથે સાથે ફેસબુકના કરોડો યૂઝર્સને થોડીક નિરાશા સાંપડશે, કારણ કે ફેસબુકે કમાણી કરવા માટે જાહેરાતને પ્રાથમિકતા આપતાં તેને વધુ સ્પેસ આપી છે. ન્યૂઝ ફીડના લેફ્ટ બારમાં તસવીરોની સાથે સાથે બીજી અપડેટ પણ જોવા મળશે. આ સિવાય મ્યુઝિક અને ગેમ્સ માટે પણ અલગ અલગ ટેબ બનાવવામાં આવ્યા છે. ફેસબુકના સ્થાપક માર્ક ઝુકરબર્ગે સાન ફ્રાન્સિસ્કોમાં એક પ્રેસકોન્ફરન્સ દરમિયાન ન્યૂઝ ફીડની ડિઝાઇનમાં કરવામાં આવેલા ફેરફારોની જાણકારી આપી હતી. ઝુકરબર્ગના મતે ન્યૂઝ ફીડ હવે યૂઝર્સની પર્સનલ ન્યૂઝ સાઇટ જેવી બની જશે. મોટા કદની તસવીરોની સાથે દરેક ઇવેન્ટની અપડેટ તેમાં જોઈ શકાશે. નવી ડિઝાઇનમાં ન્યૂઝ ફીડને વધુ વ્યૂઝ્યૂઅલ લૂક આપવામાં આવ્યો છે. ન્યૂઝ ફીડની સામગ્રીમાં તસવીરોનો ભાગ ૫૦ ટકા રહેશે, હાલ તેની સાઇઝ ૨૫ ટકા છે.

આવક માટે દબાણ

ફેસબુકની આ પહેલ પાછળનું કારણ ગૂગલ, ટ્વિટર સાથેની હરીફાઈ મનાય છે. કંપની ગયા વર્ષે ૧૭મી મેએ તેનો આઇપીઓ લાવી હતી, ત્યાર પછી તેના પર રેવન્યૂ વધારવાનું ભારે દબાણ હતું. ફેસબુકે ૨૦૧૨માં ન્યૂઝ ફીડમાં એડ બતાવવાનું શરૂ કર્યું હતું, પરંતુ હવે તે તેના બિઝનેસનો મુખ્ય સ્રોત બની ગયું છે. ચાલુ વર્ષે જાન્યુઆરીમાં કંપની તરફથી જણાવવામાં આવ્યું હતું કે, એક અબજથી વધુ લોકો એવાં છે, જેઓ મહિનામાં એકવાર ફેસબુકનો ઉપયોગ કરે છે.

નવી ડિઝાઇનમાં એક ન્યૂઝ ફીડ નહિ હોય, તેની અલગ અલગ કેટેગરી હશે, જેમ કે...

ઓલ ફ્રેન્ડ્સ : આ ફીડમાં ફ્રેન્ડ્સે તેના ફેસબુક પેજ પર સ્ટેટસ મેસેજ, લિંકને શેર કર્યા હોય તેની દરેક અપડેટ મળશે.

ફોટો : તેમાં તમારા મિત્રોની શેર કરેલી તસવીરો અને ફેસબુક પર તમારાં લાઇક કરેલાં પેજ દેખાશે.

મ્યુઝિક : તેમાં મિત્રો અને તમે સાંભળેલાં ગીત, તમારા મનપસંદ કલાકાર વિશેની જાણકારી અને તેમણે ફેસબુક પર શેર કરેલી વસ્તુઓનો સમાવેશ કરવામાં આવ્યો છે.

ફોલોઇંગ : તેમાં તમે લાઇક કરેલાં પેજ કે પછી ફેસબુક પર જે સેલિબ્રિટીઝને ફોલો કરતા હોવ તેની લેટેસ્ટ ફીડ મળશે.

ન્યૂઝ ફીડ શું છે?

ફેસબુક એકાઉન્ટના હોમપેજની સેન્ટર કોલમ છે. તમે ફેસબુક પર જેમનાં પેજીસને ફોલો કરો છો તેનું લિસ્ટ આ ફીચર સતત અપડેટ કરતું રહે છે. ન્યૂઝ ફીડ સ્ટોરીઝમાં સ્ટેટસ અપડેટ, ફોટોઝ, વીડિયો, લિંક્સ, એપ્સ એક્ટિવિટીઝ અને લાઇક્સનો સમાવેશ થાય છે.

ક્યારે આવશે?

ફેસબુક હજી કેટલાક યૂઝર્સ પર તેને અજમાવી રહી છે. શુક્રવારથી તે કેટલાંક યુઝર્સ (ટેબ્લેટ અને ફોન વર્ઝનમાં)ના ફેસબુક પેજ પર જોવા મળશે. ત્યાર પછી ધીમે ધીમે અન્ય યુઝર્સને પણ દેખાશે.

આ પણ નવું છે

ફોટો આલબમ એકદમ વચ્ચે દેખાશે

મલ્ટિપલ ફીડના ઓપ્શનથી ન્યૂઝ ફીડ પર યૂઝર કન્ટેન્ટ અને પોસ્ટને યોગ્ય જગ્યા મળશે

૨૦૧૧માં શરૂ કરવામાં આવેલું ટાઇમલાઇન ફીચર અપડેટ કરાશે

ન્યૂઝ ફીડના બધા કેરેક્ટર્સ ઘણા બોલ્ડ અને ફોટોઝની સાથે હશે જેથી સમજવામાં સરળતા રહેશે.

૩૫ ટકા યૂઝર ચેટબાર જોઈ શકતા નથી, ન્યૂઝ ફીડમાં આ સમસ્યા ઉકેલાઈ જશે.

નોટિફિકેશન અને રિક્વેસ્ટ આઇકોન પણ બદલાઈ જશે. નવા ન્યૂઝ ફીડમાં તમને મ્યુચ્યુઅલ ફ્રેન્ડ્સ કવર ઇમેજ પર જોવા મળશે.

વેબ યૂઝર્સની માહિતી માટે ગૂગલની મદદ લેવામાં ભારત બીજા ક્રમે

નવી દિલ્હી, તા. ૧૧

• એન્ફોર્સમેન્ટ એજન્સીઝ વેબ સર્ચ એન્જિનનો ઉપયોગ કરી રહી છે
• ૨૦૧૨માં અમેરિકા ૧૬,૪૦૭ રિક્વેસ્ટ સાથે પહેલા ક્રમે

ઇન્ટરનેટ પર વેબ યૂઝર્સ વિશે ઉપલબ્ધ માહિતીઓ પ્રાપ્ત કરવા માટે લોકપ્રિય સર્ચ એન્જિનની મદદ લેનારી ભારતની એન્ફોર્સમેન્ટ ઓથોરિટીઝ અમેરિકા પછી બીજા ક્રમે આવે છે. ગૂગલ દ્વારા જાહેર કરાયેલા અહેવાલ મુજબ, વર્ષ ૨૦૧૨માં ઇન્ટરનેટ યૂઝર્સની વેબ પર ઉપલબ્ધ અંગત માહિતીઓ મેળવવા માટે ભારતીય એન્ફોર્સમેન્ટ એજન્સીઝે ગૂગલ સર્ચને ૪,૭૫૦ રિક્વેસ્ટ(રોજની સરેરાશ ૧૩) મોકલી હતી જ્યારે અમેરિકા ૨૦૧૨માં રોજની સરેરાશ ૪૫ રિક્વેસ્ટ અર્થાત્ વર્ષ દરમિયાન ૧૬,૪૦૭ રિક્વેસ્ટ મોકલીને આ યાદીમાં સૌથી ટોચ પર છે.

રિક્વેસ્ટ્સની સંખ્યા વધી

અમેરિકા અને ભારત પછી ઇન્ટરનેટ પર ઉપલબ્ધ વેબ યૂઝર્સની જાણકારીઓ પ્રાપ્ત કરવા માટે ગૂગલની મદદ લેનારા ટોચના છ દેશોમાં ફ્રાન્સ, જર્મની, બ્રિટન અને બ્રાઝિલનો સમાવેશ થાય છે. આ બધા દેશોમાંથી ગૂગલને મોકલવામાં આવતી રિક્વેસ્ટની સંખ્યા સતત વધી રહી છે.

દેશ	સર્ચ(વેબ યૂઝર્સની માહિતી માટે)
અમેરિકા	૧૬,૪૦૭
ભારત	૪,૭૫૦
ફ્રાન્સ	૩,૨૩૯
જર્મની	૩,૦૮૩
બ્રિટન	૨,૮૮૩
બ્રાઝિલ	૨,૭૭૭

ભારતને બે તૃતિયાંશ યૂઝર્સની જાણકારી મળી

ભારતે ૨૦૧૨ના પહેલા છ મહિનામાં ગૂગલ સર્ચ એન્જિનને ૨,૩૧૯ રિક્વેસ્ટ મોકલી હતી જ્યારે પછીના છ મહિનામાં વધુ ૨,૪૩૧ રિક્વેસ્ટ મોકલવામાં આવી હતી. કંપનીના જણાવ્યાનુસાર ગયા વર્ષે ભારતની એન્ફોર્સમેન્ટ એજન્સીઝ તરફથી મળેલી કુલ રિક્વેસ્ટમાંથી બે તૃતિયાંશ લોકોની સંપૂર્ણ જાણકારી આપવામાં આવી છે, એ જ રીતે અમેરિકાએ જેટલા વેબ યૂઝર્સ વિશે ગૂગલ પાસે જાણકારી માગી હતી તેમાંથી ૮૮ ટકા વિશે જાણકારી આપવામાં આવી છે.

વિવિધ દેશો મદદ લે છે

અલગ અલગ દેશોની સરકારો, ક્રાઇમબ્રાન્ચીસ, કોર્ટ, પોલીસ ગુનેગારોની તપાસ માટે અને શંકાસ્પદ લોકો વિશે વિસ્તૃત જાણકારી પ્રાપ્ત કરવા ગૂગલની મદદ લેતી હોય છે. ગૂગલ કહે છે કે, 'કેટલાક દેશની સરકારી એજન્સીઓ દ્વારા તેને નિયમિત રિક્વેસ્ટ મળતી હોય છે.' ભારત સરકાર પણ આ મામલે પાછળ નથી. ભારતીય એન્ફોર્સમેન્ટ એજન્સીઝે વર્ષ ૨૦૧૧માં ૩,૯૪૬ રિક્વેસ્ટની સરખામણીએ ૨૦ ટકા વધુ રિક્વેસ્ટ મોકલી હતી.

Excel lesson

Step by step procedure:

1.      Open a new excel worksheet.

2.      Select 10 rows and set row height to 100.

3.      Select 10 columns and set row height to 20.

4.      Select a cell say A2.

5.      Click on insert on the menu bar.

6.      Click on picture on the tool bar.

7.      Select the required picture from the files in your system.

8.      Adjust size of the picture for this right click on the picture. From the drop down menu select size and properties. Adjust ht. to required size.(1” in the illustration)

9.      For entering text you have two options

(a)    Double clock on the cell. The cursor will appear on the bottom left corner. Type the required information. Text wtrap if required.

(b)   Right click on the cell. From the drop down menu select insert comment. A new box will appear on the side of the box. Type the required information. Press enter. The comment box will disappear and a red arrow will appear on the right top corner. Whenever the cursor is brought over the photo, the comment will appear.

ગૂગલના યૂઝર્સ અન્ય વેબસાઇટ્સ સાઇન-ઇન કરી શકશે

સાનફ્રાન્સિસ્કો, તા. ૨૭

બ્રિટન અને અમેરિકાની વેબસાઇટ્સ પર એક્સેસની સવલત શરૂ કરાઈ

સોશિયલ મીડિયા વેબસાઇટ્સ હવે વધુને વધુ લોકપ્રિય થઈ રહી છે અને આધુનિક મીડિયામાં તેનો વ્યાપ વધી રહ્યો છે ત્યારે ઇન્ટરનેટ કંપની ગૂગલ દ્વારા ફેસબુકને ટક્કર આપવા માટે નવી પહેલ કરવામાં આવી છે. ગૂગલ પ્લસના યૂઝર્સ હવે તમામ અન્ય વેબસાઇટ્સ તેમજ સ્માર્ટફોન એપ્લિકેશન્સ પર સાઇન-ઇન કરી શકશે. ગૂગલ દ્વારા અન્ય વેબસાઇટ્સને આ સુવિધા આપવા માટે પ્રોત્સાહિત કરવામાં આવી રહ્યા છે.

બ્રિટન અને અમેરિકાનાં લોકપ્રિય અખબારો ધ ગાર્ડિયન અને યુએસએ-ટુ ડે ની ફેન્સી ફિટનેસને લગતી વેબસાઇટ ફિટબિટ દ્વારા ગૂગલ પ્લસનાં ખાતેદારોને અન્ય વેબસાઇટ સાઇન-ઇન કરવાની સુવિધા શરૂ કરવામાં આવી છે. ગૂગલે જણાવ્યું હતું કે આ નવી સુવિધાથી તેના યૂઝર્સ કઈ વેબસાઇટ્સનો વધારે ઉપયોગ કરે છે અને તેમની જરૂરિયાત શું છે તેના આંકડાઓ એકત્ર કરી શકાશે. યૂઝર્સની જરૂરિયાતોને આ રીતે સંતોષી શકાશે.

ફેસબુક દ્વારા ૨૦૦૮માં આ પ્રકારે તેના યૂઝર્સની વિવિધ જરૂરિયાતોને લગતી માહિતી એકઠી કરવામાં આવી હતી, જે મુજબ યૂઝર્સ તેમનાં ફેસબુક ખાતાનો ઉપયોગ કરીને અન્ય વેબસાઇટ્સ પર ખાતાં ખોલી શકતા હતા અને આ સાઇટ્સ પરથી યૂઝર્સ કેવી કેવી માહિતી મેળવવા કોશિશ કરે છે તેની ફેસબુકને જાણ થતી હતી.

આ પછી ગૂગલ દ્વારા ૨૦૧૧માં તેની નવી સોશિયલ નેટર્વિંકગ સાઇટ્સ ગૂગલ પ્લસની શરૂઆત કરવામાં આવી હતી. ફેસબુકના યૂઝર્સ હાલ ૧ અબજ લોકો છે જ્યારે ગૂગલ પ્લસનાં યૂઝર્સ ૧૦ કરોડ છે.